‘EDSA Rebuild’ Muling Susuriin Ayon sa Utos ni PBBM

Tiniyak ng Department of Transportation (DOTr) na kanilang muling rerepasuhin ang plano para sa rehabilitasyon ng EDSA, kasabay ng direktiba ni Pangulong Ferdinand Marcos Jr. na tiyakin ang mabilis, episyente, at mas maayos na implementasyon ng proyekto.

Makikipagtulungan ang DOTr sa Department of Public Works and Highways (DPWH) at Metropolitan Manila Development Authority (MMDA) upang maisaayos ang mga hakbang sa pagpapatupad ng proyekto, lalo na sa aspeto ng trapiko at kaligtasan ng publiko habang isinasagawa ang konstruksyon.

Ayon sa DOTr, layunin ng pagsusuring ito na maiwasan ang labis na abala sa mga motorista at commuters, habang pinapabilis ang pagsasaayos ng isa sa pinakamahalagang kalsada sa Metro Manila. Inaasahan din na isasaalang-alang sa bagong plano ang paggamit ng makabagong teknolohiya at modernong engineering solutions upang mapagaan ang epekto ng proyekto sa pang-araw-araw na biyahe ng publiko.