Isinumite na ng Judicial and Bar Council (JBC) sa Malacañang ang shortlist ng mga aplikante para sa posisyon ng Ombudsman.
Kabilang sa listahan si Justice Secretary Jesus Crispin Remulla, dating Commission on Audit (COA) Chairperson Michael Aguinaldo, Retired Court of Appeals Justice Stephen Cruz, dating Supreme Court Associate Justice Samuel Gaerlan, Deputy Executive Secretary Anna Liza Logan, Retired Associate Justice Mario Lopez, at Sandiganbayan Associate Justice Michael Musngi.
Matatandaang sinampahan ng ilang kaso ni Senator Imee Marcos si Remulla, na nagsabing hindi umano ito kwalipikado para sa nasabing posisyon.
Ayon sa Article VIII, Section 9 ng Konstitusyon, ang Judicial and Bar Council ang may tungkuling magsumite ng mga nominasyon para sa posisyon ng Ombudsman, matapos mapaso ang termino ni Hon. Samuel R. Martires noong Hulyo 27, 2025.
0 Comments