Barzaga binatikos ang admin ni PBBM kaugnay sa sunog sa DPWH

Tahasang binatikos ni Cavite 4th District Rep. Kiko Barzaga ang administrasyon ni Pangulong Ferdinand “Bongbong” Marcos Jr. matapos nitong akusahan ang pamahalaan na may kinalaman umano sa sunog sa tanggapan ng DPWH sa Quezon City.

Hayagang binatikos ni Cavite 4th District Rep. Kiko Barzaga ang administrasyon ni Pangulong Ferdinand “Bongbong” Marcos Jr.

Ayon kay Barzaga, ang administrasyon umano ni Marcos ang “responsable” sa sunog na naganap sa tanggapan ng Department of Public Works and Highways (DPWH) sa Quezon City nitong Miyerkules, October 22.

Sa isang post na inilabas ni Barzaga sa kanyang Facebook noong parehong araw, sinabi niya na ginawa umano ito upang “sirain” ang mga “ebidensya” kaugnay sa mga anomalya sa flood control projects.

“Marcos Administration sets fire to DPWH Office to destroy Flood Control Anomaly Evidence,” ayon sa post ni Barzaga.

📸 Larawan mula kay Kiko Barzaga (Facebook)

Samantala, marami sa mga netizen ang nagpahayag ng suporta sa naturang pahayag ng kongresista.

Narito ang ilan sa mga komento sa kanyang post:

“Ikaw ang pinakamatalinong tao sa buong mundo, ipagpatuloy mo ang laban para buwagin ang tiwaling gobyerno ng ating henerasyon.”

“Ganito dapat ang mga headline, hahaha.”

“Ligtas na sila hahaha.”

“Ang mga buwaya ay astig!”

“Tunay na matapang ka, Cong. Meow! Suportado kita.”

“Tama. At ngayon ay nagdesisyon pa ang ICI na mag-livestream.”

“Congressman Kiko Barzaga, ikaw ang David ng henerasyong ito.”

“Gumagawa talaga sila ng paraan para takpan ang mga ebidensya at mailigtas ang sarili.”

“Posibleng si Congressman Kiko Barzaga nga ito.”

Sa ngayon, wala pang pahayag ang Malacañang hinggil sa isyung ito.