Ayon sa DBM, determinado ang Pangulo na tiyaking nakatutugon sa tunay na pangangailangan ng bayan ang ilalaang pondo ng pamahalaan. Handa rin umano siyang dumalo sa mga sesyon ng bicameral conference committee kung kinakailangan, upang tiyakin na ang bawat proyekto ay “shovel-ready” o maaring simulan agad, at hindi lamang nakasulat sa papel.
Ipinapakita ng hakbang na ito ang layunin ng administrasyon na itama ang mga pagkukulang sa nakaraang badyet at masigurong makikinabang ang taumbayan sa bawat pisong ilalaan. Inaasahan ng Palasyo na ang bagong proseso ay magbunga ng mas transparent at epektibong paggasta ng pondo ng bayan.
0 Comments